Protokoll Jaan Reika nõudest Johan Suurmõtsa vastu hobuse vigastamise asjas

11.06.1876:29

Man olliva: Kohtomees Jaan Kärik
	    Kohtomees Karl Prakel
	    Kohtomees Hendrik Thür

Puddeli Jaan Reika kaibas, et 4 Mail s.a. kui nemma Peterburgi teed teggemast tulnu, ta jänu söötma Jama
kõrtsi ette Hendrik Kilanigiga, ühtu kõrraga tulnu linna poolt kangest ajaden Juhhan Suurmõts nink tahtnu
temma hobbest loga küüdsega ärra tapa, lönu mokka katski. Tal olnu 2 näddalit hobbene haige ja pruuknu
ühte ehk tõist rohto ehk 1 rbl eest rohto, 1 näddal olli hopis haige tõine näddale olli veidi parremb,
agga 2 näddalet ei voinu hobbest pruki enne kui terves sanu, selleperrast nõuda ta 25 rbl makso leppimisse 
visil. Tunnistaja olla tal Hendrik Kilak ja Johan (Suurmõts) Mutso ja Joh. Nühkaja.
Kaevatav Johann Suurmõts vabbandas, et meije tullime Peter Aljoga ühhes minno hobbene olli vehmris ja temma
hobbene olli piporskin??? es sõida mitte ruttu, nink ei tija ka kas Jaan Reiker hobbesele, kes Jama kõrtsi
jures seisis, külge puttus, ehk mitte te pääl ennege ajand kaebaja Jaan Reika minnole järge, piddi minno
hobbese kinni ja toggi tulli, minna arvan vist selle perrast et meije enne linna kauba jures ütstõise
vastasest saime.
1. Tun. Hendrik Kilak, Kastrest tunnistas; meije Jaan Reikaga seime to kõrd Jama kõrtsi jures te veren,
siis tulli Juhann Suurmõts kõvaste ajaden linnast nink ajas loga küüdsega Jaak Reika hobbese mokka katski,
iggeme sissest poolt olliva ka katski hamba olliva kül kiik suun. Kui paljo se hobbene haige olnu, sedda
minna ei tija.
2. Tunnistaja Johann Mutso Kastrest tunnistas: kui meije sõitsime vannembaga, jäi Jaan Reika, kaebaja,
Jama kõrtsi jure söma, nink ei tija minna muud, kui te pääl sõitis tema, kaebaja järrele nink ajas
Juhann Suurmõtsale risti ette, siis minna näggin et temma hobbesel su päält ja sissest verrine olli, hamba 
olliva kül suun. Juhann, ähvardas Jaan Reikale rinnust kinni võtten näitada.
3. Tunnistaja Johan Nühkaja Kastrest tunnistas: veikesse kõrtsi jures sõitis kaebaja Juhannile järge,
tüllitsiva sääl, hobbesele lömist minna es näe, ennege hobbesel olli ni kui nahka mokka päält mahha läinud.
4. Tun. Jaan Sarre Kastrest ei ütle middagi sest asjast teda et ta sääl ei olnu.
Moisteti: Et kunna kaebaja Jaan Reikal muud kahjo ei olle sündinu, kui ennege hobbese mokka havatu ja
hobbene nüüd jälle terve ja tal suremba kahjo ülle ka tunnistust ei olle, siis olles kaevatava Juhhan
Suurmõtsal, selle eest et ta ilm ette kaemada sõitnu 1 rbl sija vaeste lati ja 1 rbl kaebaja Jaan Reikale
arvatu rohho rahha maksa.
Se otsus sai kohto käijile sel 11 Junil 1876 186 a.t.r.s.r.s.§.§.772 ja 773 järrele kulutud ja k.k. suremba 
k.k. tarbis õppusse kirri antud. Kaebaja Jaan Reika andis tänna ülles suremba kohhut käija.