Protokoll Joosep Rämmani kahjutasunõudest Gusta Lepsoni ja Jaan 
Kiskmani vastu varem temale kuulunud ja nüüd neile antud maatüki 
väetamise hüvitamise asjas.

07.04.1869:34

Kaivas Joosep Rämman et temale om lubatu kui tema oma vastse krundi pääle om 
elama lännu, vanast kotusest üte vakamaa aijamaad, kos tema ka sitta om pääle 
pandnu, ja nüüd om Gusta Lepson ja Jaan Kiskman see maa tema käest ära võtnu, 
nii et tema enne üts vili see maa päält om saanu.
Ette tulli Gusta Lepson ja Jaan Kiskman ja ütliva et vana mõisavalitsus om 
Joosepi esale see maa andnu ilma neide lubata, ja oles ütelnu et enne ütes aastas. 
Ja nüüd peavad nemad esi omma krundi eest kallist renti masma, ja ei või oma 
maad mitte muide kätte anda, ja et J. Rämmanil vastne krunt om see eest om ka 
temal rent vähemb.

Sel 5. märtsil ütel vana mõisavalitseija A. Zärens et see maa oles Jakobile 2 aasta 
pääle lubatu ja küla peremehed olles ka veel lubanu J. Rämmani sitta vastse 
krundi pääle vedata.
Kohus mõist et too kõrd veel om valla maad orjuse pääl ollu kui vana 
mõisavalitsus om J. Rämmanile see maa lubanu. Ent nüüd ega üts oma krunti eest 
rendi peab masma nii et vana krundi mehed kallimba ja vastse krundi mehed 
odavamba masva, et sis ei või ka keagi neide maad käest võtta. Ent Jaan Kiiskman 
peab sita eest J. Rämmanile 75 kop masma.

Peeter Urgard
Jakob Parmson
Gusta Sõugand

Sel 2. juunil om Jaan Kiskman 75 kop ära masnu.