Protokoll Johan Dobre nõudest sulase Peeter Kärtmani vastu 
sõnakuulmatuse ja hobuse vigastamise asjus.

17.02.1869:9

Kaivas Johan Dobre et tema sulane väiga sõna kuulmata om ja temal üts hobene 
sulase Peeter Kärtmani läbi kogoni otsa om saanu ja nüüd tõine jälle puusast ära 
om löödu ja hobene kolme jala pääl käib. Edimatse hobese om P. Kärtman 
sedaviisi otsa tennu suvvel kündmise man om adra kannu taade pannu ja sis om 
hobest pesnu, ja äestamise man om jälle kive ja turbid äkli pääle pandnu, ja üts 
kõrd om J. Dobre sulase P. Kärtmani sepale saadnu hobest rauvutama ja P. 
Kärtman om esa poole lännu ja aja ära viidnu mes läbi hobene om pimme pääle 
rauvutata jäänu ja sepp om hobese ära naklanu mes läbi hobene om 5 nädalit tallin 
ollu.
Ette tulli P. Kärtman ja ütel et tema ei ole mitte enne hobese rauvutamist esa pool 
käinu ja ei ole mitte tema süi perast hobene naklatus saanu. Ja tema ei ole ka 
konnagi adra kannu taade pannu ja hobest pesnu, ja äkli pääle ei ole tema ka 
turbid ja kive pandnu.
Tunistaja Mihkel Küidson ütel et tema om nännu et P. Kärtman om hobest 
kündmise man mõne kõrra löönu ja ader ei ole mitte kannu taga ollu, üte käega 
om adra pidanu ja tõise käega hobest löönu. Ja perast ütel M. Küdson: ader om 
juurde taga kinni ollu ent ader ei ole mitte too kõrd katski lännu.

Sel 7. aprillil ütel Taniel Lepland et tema om nännu et P. Kärtmanil om 2 turvast 
ja 3 kivikest äkli pääl ollu kui äestanu.

Sel 5. mail tunist Joosep Säkna et see tõine hobene mes puusast likatas, om 
nema P. Kärtmaniga talve palge viinu sis om J. Säkna palk ümbre lännu ja Peeter 
Kärtman om temale appi tullu ja nii kauva om P. Kärtmani palk ka ümbre lännu ja 
nema om mõlembad palgid üles ajanud ent seda ei ole tema mitte nännu et 
hobesele oles sääl viga saanu.
Kohus mõist et see hobene ei või mitte Peeter Kärtmani süis panda et üttege õiged 
tunnistust es ole et tema käen oles see hobesele viga saanu ent see läbi et P. 
Kärtman õkva kohtu es ütles et palg om ümbre lännu saab P. Kärtman 10 vitsu. Ja 
et P. Kärtman ütleb et J. Dobre tema palka ära ei massa et temal om J. Dobrega 
lepitu 15 rubla aastas palka sai maha arvatus et J. Dobre om P. Kärtmani koolitanu 
jäi veel P. Kärtmanil saada 9 rubla 95 kop.
Koolitamise eest 3 rubla maha, jääb perra 6 rubla 95 kop.

Peeter Urgard
Jakob Parmson
Gusta Sõugand