Protokoll maaomanik Kristov Kirhäidi nõudest Rein Karpsoni vastu 
maksmata rendi asjas.

16.09.1868:76

Kaivas Kristov Kirhäid et Rein Karpson tema krundi pääl elab ja ei ole mitte 
mööda lännu 2 aasta 1866. ja 1867. renti ära masnu ja 1868 aastal om Kristov 
Kirhäid Rein Karpsonile 1/3 vakamaad kartohvli maad andnu.
Sis nõud Kristov Reinu käest neide kate aasta eest ega aasta pääle 5 rubla ja see 
maa eest 1 rubla. Summa 11 rubla.
Ette tulli Rein Karpson ja ütel et neil om Kristuviga nii lepitu ollu et Rein Kristuvi 
krundi pääl elli om Rein Kristuvile see eest päiviga tasunu kui Kristuv pruuknu 
om. Ent see 1868 aasta eest om sest kahjutasumise rahast mes Rein Kristuvi käest 
pidi saama 5 rubla maha arvatu.
Kohtu een om Kristuv Reinuga nii ära lepnu et see mööda lännu aja eest ei nõuva 
nema tõine tõise käest enamb midagi muud kui Rein massab see kartohvli maa 
eest Kristuvile 1 rubla veel perra, ja een tuleva aja pääle lepiva nii kui nema esi 
nägeva.

Rein Oinberg
Jakob Parmson
Peeter Urgard