Protokoll kaebustest Võika karjamõisa kupja Viido Ritsingu vastu 
mitmesugustes asjus.

11.03.1868:18

1.
Andis Peedu Obrand siin kog. kohtu een üles, et Võika karjamõisa kubijas Viido 
Ritsing om mineva aasta omi zigu mes 14 tükki om ollu, mõisa vilja rõuke pääl 
söödnu, ja kui om nännu kedagi mõisa poolt tulevat sis om lasknu ära ajada, Peep 
Obrand om seda asja valitseijale üles annu ja sest ei ole ka midagi välja tullu.
2.
Om Viidu Ritsing 2/3 vakamaad kütikesva Võika mõisa maa pääle tennu, mes 
tarvis ka nee hao om teomeistel ragoda lasknu, ja õled külla ära müinud, ka om 
Viidu mineva aasta 1/3 vakamaad kütis rükki, ja ½ vakamaad kost poole nisust ja 
pool kaaras om tennu ja kaits tükki lina Võika mõisa nurmen ollu, ka need õled 
mes rükkist om saanu om külla ära müinu.
3.
Viidu Ritsing võtab rehemand vilja vasta sis võtab keik vakad nii kui kuhi pääl 
seisap, ja kui om herrale kaaru Tartu saadnu sis om vakad nii triiknud et Tartun 
om puudus tullu.
4.
Om Jaan Obrand Võika mõisa rehe man hagande sisest 1 vakk rükki leidnu, sis 
om rehe papp Jaan Urgard teda pallelnu et mitte seda asja üles es annas, Jaan 
Obrand om nee röad mõisa toonud, ja perast om veel üteltu et J. Obrand oles oma 
rükki kodust toonu, ja om rehepapp see sama kõrd kubija tarre kotiga vilja viinu.
5.
Mõisast vijas ega päiv Võikale üts aam praaka mes Viido Ritsing keik enambist 
oma elajile ära võtab ja mõisa elajile väiga veidi saap.
6.
Om V. Ritsing oma lambit mõisa vilja rõuke pääl söödnud kui omad lambat om 
rammun ollu sis om koolmeistre poole omad lambad viinu ja koolmeistre lambad 
henda poole jälle sööma toonu.
7.
Om Viido Ritsing Võika Paapu mõtsavargusega kinni võtnud sis om V. Ritsing 
pandnu Paapule trahvis 2 nädali päivad tetta, ja perrast kui Paap om Viidu 
Ritsinget pallelnu sis om Viidu 1 mõõdi lina seemnit Paapu maa pääle külvanu, ja 
sis om jälle tasa ollu.
8.
V. Ritsing om rehe man 3 kõrd vakaga tuulutetu kesvi lasknu tõiste unnikude 
panda ja ütelnu neid ei voi aita vija herr nakab neide perast tõrelema et kõhnad 
omma, nee ei kõlba muijale kui lehmile.
 9.
Ütlep Jaan Obrand et üts kõrd om tema rehele lännu ja om leidnu rehealt kotiga 
üte vaka osa üsatsit, ja Viidu om rehepapile ütelnu, vii nee puru tera ja valla 
hobese rohte.
10.
Johan Linder ütlep et V. Ritsing om tema pääle ilma süita kate aasta eest sääratse 
jutu tennu et Johan Linder oles Võika aidast 16 vakka kesvi ja kaarust ei tija 
arvuge, kui palju ära varastanu, ja J. Linder ka see eest Võrro turma pantu mes J. 
Linder arvab et Viido henda töö oles ollu.
11.
Saavad V. Ritsingel ega aasta paar kaalu linu müija ja om Viidul see lina töö man 
enamb tegmist kui mõisa tööga. Ja ka mõisa ipski oma lina pääle kasumise aigo 
külvap.
12.
Viidul peap ka kohtumehe Rein Oinbergi aidan vilja kotte olema, mes ka mõisa 
kubijas Jüri Lindok om kaenu, ja ütelnu, kui 4 aastat vilja tera ei kasva sis võib 
Viidu iks veel oma viljaga labi saada.
13.
Jakob Lepland ütel, et tema om Jüri Silla naisega üts kõrd ööse kokko saanu 
Väikse Veerksu kõrzi mant üten tulema. Jüri Silla naisel om jahu kott pääl ollu 
Jakob om naise käest küsinu kost tema neid jahu toob sis om Jürri Silla naine 
ütelnu mina toi Võikalt Viidu käest moona jahu zeole anda.
14.
Peep Lepmann ütel: et Jüri Sild om iks neide käest passulat viinu hendale jahu 
kaalu.
15.
Jaan Rämman ütel Jüri Sillal om nüüd veel 4 vakka rükki tema aidan mes Jüri om 
ütelnu et tema om need röad köstre käest toonu.
16.
Ka ütel Joosep Susaar et Viido om Süvüauva koolmeistrele kes Võika karjamõisat 
tahtnu rendi pääle võtta ütelnu et ei kõlba võtta et Võika maa ei kõlba kohegi ja ei 
saa mitte seemet tagasi.
See asja tunnistaja omma:
Peedu, Jaan ja Peep Obrand
Joosep Susaar
Joosep Runing
Paap Jõks
17.
Karli Lepland ütel et mineva talve om Hendrik Rumaski oma hobesega mõisast 
üts koorm rükki toodu, väikese Virksu silla pääl om hobene ära vasinu ja sis om 
Karl Leplandi kaubelnu seda vilja Leevaku külla viima. Mes ka valitseija mõne 
nädali eest teeda saanu ja Karl Leplandi ja Viidu Ritsinge Leevaku külla saadnu 
seda asja kullema, ja juud oli see vilja jo säält ära Tartu viinu. Ja juudi pois om 
veel üte tüki linu takast perra viinu.
18.
Peeter Kübar ütel et mineva kevade om mõisa lina tema pool kolgitu ja tema om 
kuubigitega kaits lina varrast välja ostnu.

Ette tulli Viidu Ritsing ja ütel et see om keik võlss, mes mõisa om lubanu seda om 
tema tennu ja mes keelnu seda jätnu.