Protokoll Isak Phillipovi kahjutasunõudest Niitsiku sillalt viljakoormaga 
jõkke vajumise asjas.

27.11.1867:77

Kaivas Pihkva gouvermangust Pognitsa külast Isak Phillipov et temal om see tee 
pääl mes Niitsiku veske all Vene piirist nii kauva kui Niitsiku veske manu üle soo 
käib halva silla perast vilja koorm jõkke lännu mes läbi ka tema hobene ja tema 
esi oles võinu ära upputa kui rahvas es olls appi saanu, ülevan nimitetu mees 
näidas see vilja koorma siin kogokonna kohtu een üles, mes läbi olli ära ligunu, ja 
arvamise perra 10 setverti rükki ja 15 setverti üsatsit ja 16 setvert tõbra teri.
Isak Phillipov nõus et temale sest viljast pool kahju saas mõistetus.
Se pääle sai see mõisavalitsuse käest küsitus kelle tetta see tee om? Ütel see 
Kahkva mõisavalitsus et see tee ennegi see perast sääl om et, Venemaalt 
veskeliset Niitsiku veskele saavad. Ja see mõisa valitsus see Niitsiku möldrega sii 
om lepitu et möldre see tee peab hään kõrran pidama.
Niitsiku möldre Viktor Schilling sai see asja perast see kogokonna kohtu ette 
tallitetu ent Niitsiku möldre om ütelnu et tema henda mitte kogokonna kohtu ette 
ei pruugi sääda.
Sis palleb see kogokonna kohu üte keiserliku Ordnungsrichti kohut seda asja 
seletata.