Protokoll Jaan Parmsoni nõudest Gottlieb Andressoni vastu saamata palga 
asjas.

03.07.1867:57

Kaivas Jaan Parmson et Gottlip Andresson om tema hendale see kevade sulasses 
kaubelnu seda viisi et kui Gottlib kõrtsi jääb sis massab aastas Jaanile palka 16 
rubla ja üts rubla käe rahhas. Ja kui Gotlib Parma Fritzi maa ostab sis tege Gotlib 
Jaanile külvi maha ½ vakka kesvi ja ½ külimittu lina seemet, ja 50 kop käe raha ja 
1 rubla palk raha. Ja nüüd om Gotlib Parma Fritzi maja saanu, ja ei ole temale 
mitte seda külvi maha tennu.
Ette tulli Gotlib Andresson ja ütel et tema om Jaan Parmsoni seda viisi hendale 
sulases kaubelnu 15 rubla palk raha ja 1 rubla käe raha ja oles hääs meeles veel 
üts matt lina seemet lubanu maha külva.
Tunistaja Hendrik Rummask ütel et tema oles nii kuulu et Gotlib oles lubanu kui 
Parma Fritzi maja saab sis Jaan Parmsonile külvi palka anda nii kui jo Jaan ütelnu 
om.
Tunistaja Kristjaan Kimmi ütel et Gotlib olles Jaaniga nii kauba tennu et aastas 16 
rubla keige käerahaga palka ja 1 matt linaseemet maha külva ja kui Gotlib ka 
temale hobest and sis Jaan omi päivi ei võta.
Kohus mõist et tunistaja Hendrik Rumask Jaan Parmsonile sugulane om ei või 
tema tunistust täuvelikus arvata ent saab tõise tunnistaja Krisjan Kimmi perra Jaan 
Parmsonile raha palk mõistetu nii kui lepnu omma.

Pääkohtumees M. Musting
Johan Sepp
Jakob Lepland