Protokoll Jakob Meeningu nõudest mõisavalitsuse vastu talu äravõtmise 
asjas.

30.01.1867:8

Kaivas Jakob Meening et kevade 1866 om tema nimetetu mõisavalitsuse käest 
küsinu kuis temal see vastse maa krundiga jääb, sis om mõisavalitsus ütelnu kui 
maa saab mõõdetud sis saab näta. Sis om jäänu nii kauva kui sügisini nigola 
päivani, sis om Jakob jälle küsinu, om mõisvalitsus 4 rubla taadrist ja 1½ päiva 
osatükki see krundi ees nõudnu, Jakob om 3 rubla taadrist paknu, ja perast oles 4 
rubla ilma osa tükketa lubanu. See pääle oles mõisa valitsus ütelnu mine kodu ja 
mõdle perra ja sis tule tagasi. Jakob om nädali sees tagasi tullu mõisavalitsus ei 
ole kodu ollu, sis om tema jälle nädali lõpetusen tullu ja mõisavalitsust pallelnu 
ärge andge minu maad ära, kui herr sija tuleb sis taha mina herra ka selle asja 
perast pallelda, kas herr jätab minu vana maast mulle pool, sis mina ei võta seda 
mõtsa krundi, ent kui herr ei jäta, sis mina võta see mõtsa krundi. See pääle om 
mõisavalitsus ütelnu sulle enamb ei saa, see krund om jo ära antu.
Nüüd ütleb Jakob et temal palju kahju saanu see läbi et tema rihi om suvel vastse 
krundi pääle ära veedu ja temal oma rihi koskil pessa es ole, ja pidi küla rahvast 
pallema kos pessa sai.
Kogokonna kohus pallel alandlikult suurembal kohtul seda asja seletata.

Michel Musting
Rein Oinberg
Jakob Lepland