Protokoll Peeter Kübara nõudest karjaste vastu tapetud sigade asjas.

14.11.1866:59

Kaivas Peeter Kübar et jaani kuul om temal tema oma maja karjusse üts põrss 
karja man ära tapnu, ja augusti kuul jälle üts suur ziga ära tapnu.
Karjusse omma Peetrel oma poig Kusta, Urgava Hendrik ja Vitrik ja Sandi Karli 
poig Joosep.
Karjus Urgava Hendrike poig Vitrik ütel et Sandi Karli poig Joosep om põrst 
võsost välja ajanu ja põrss om röögaktanu tema oles Joosepi käest küsimu ago sa 
põrsale leid Joosep om ütelnu lei vidike tema om kaema lännu om põrss ollu maha 
löödu, ja see pääle om Joosep ära mõtsa pagenu.
Sandi Karli poig Joosep ütel et tema om põrst roosuga löönu ja põrss om maha 
jäänu.
Urgava Hendriki poig Vitrik ütel et see Suur ziga mes augusti kuul om maha 
löödu om Kübara Peetre poig esi maha löönu, ja oles Vitriket pallelnu et kodu ei 
kõnnele et tema zea om maha löönu ja lubanu Vitrikele see eest et ära ei ütle 
rooska tetta. Ent Sandi Karli poig om kampsoni käisega ziga löönu.
Peeter nõus põrsa eest 2 rubla ja et vanna zea tema henda poig olli maha löönu es 
või Peeter midagi nõuda.
Kohus mõist et Sandi Karli poig Peetrele see eest et tema poig Peetre põrsa maha 
löönu 1 rubla 25 kop masma. Ja Suur ziga jääb Peetrel omas kahjus.

Michel Musting
Rein Oinberg
Jakob Lepland