Protokoll Jüri Silla nõudest Jakob Karpsepa vastu lubatud maatüki 
äravõtmise asjas.

29.08.1866:46

Kaivas Jüri Sild, et Karpsepa Jakob om temale see kevade 1 vakamaa maad 
tõvvus tetta andnu ja perast kui maa om üles künnetu ollu om Jakob ütelnu et 
tema ei anna ja om ära äestanu. Sis om J. Sild mõisa tullu ja mõisa valitsusele 
seda asja kõnelnu mõisa valitsus om käsknu kohtumehele kõnelda sis om Jüri Sild 
Peep Lepmanile kõnelnu ja Peep om J. Karpsepa käest perra kullelnu. J. Karpsep 
om ütelnu et pool seda maad iks võib saada J. Sild om poole pääle sitta vedanu ja 
erne pääle tennu ent nüüd om J. Karpson tema erne ära võtnu.
Vöölmoldre P. Lepman ütel ka nii õige olevad et J. Karpson om üte vilja pääle see 
maa andnu.
Ette tulli Jakob Karpson ja ütel et tema om küll talvel lubanu ent kevade om 
nännu et hendal om maad veidi ollu sis om ära keeldnu ja ei ole enamb lubanu ent 
J. Sild om iks ilma keelmata edesi tennu ja selle om tema nüüd erne ära võtnu.
Kohus mõist et Jakop Karpson om ka valla vöölmöldre P. Lepmani een see pool 
maad J. Sillale lubanu ja see pääle om J. Sild erne tennu, peab see erne iks J. 
Sillale jääma.

M. Musting
R. Oinberg
J. Lepland