Protokoll Mai Krebetzi nõudest Jaan Himma vastu tema armetu ja vaese 
tütre Katre Krebetziga eksimise asjas.

24.02.1871:9

Joosu valla inimene Mai Krebetz om kaibanu, et Jaan Himma tema tütre Katrega 
om essinu nink et see tütrik nüüd kohalt armidu ja vaene om.
Jaan Himma om ette kutsutu tema ütlep: Mina sest asjast midagi ei tija.
Tunnistaja vallavanemb Ado Ritzar, vöörmonder Hans Saks omma kui see asja 
üle jutt välja tuli, neide käest seda nõudnu nink Jaan Himma om ütelnu: ega mina 
ütsinda es ole, üts Väimela mees olli ka.
Mai Krebetz ütlep ka: Kaarel Otz tijap ka sest asjast. Kaarel Otz om ette kutsutu 
tema ütlep: Meije Jaaniga kõnelime sest asjast, Jaan ütel: hää oles kui henda vahel 
saas leppi, ilma kohtuta.
Moistmine: Et see naisterahvas kohalt armedu ja vaene nink päälegi raskest haige 
om, siis om kohus moistnu: Jaan Himma peap jalapäält 1 vakk rükki ja 10 rubla 
raha selle naisterahvale välja masma, ses kõrras abis, ent muido jääp see asi nii 
kavva selletamata seeni kui see naisterahvas terves saap, ehk ka ära koolep.
Kohtomehe Jüri Pollak, Johann Mõtz, Michel Torrop.