Protokoll mõisavalitsuse kahjutasunõudest kantnik Mihkel Veisveere vastu 
kokkuleppest taganemise asjas.

10.01.1871:4

Koon oliva kohtomehe Villem Kehrberg, Michel Torrop, Jüri Pollak.

Kaibam. Moisa herra om kaibanu, et Michel Veisveer moisa kantnik om õlgi 
moisale müvva paknud 100 rubla, moisa herra om lubanu osta nink neid olgi üle 
kaenu ja lugenu nink om olnu: tare pääl 17 kubo, lauda pääl 96 kubo, kuhjan 70 
kubo – teep kokko 173 kubo. Perast om moisa herra kohtomehe M. T.  neid olgi 
tooma saatnu nink ei ole enamb saanu kui 70 kubo ainu, perra ei ole enamb jäänu 
kui 40-50 kubo.
Et siis tema neid olgi ära om müünu, siis nõvvap moisa herra, et tema saada om 
raha mes eest tema neid olgi välja om müünu peap sellele välja masma, kes perast 
selle kotusse pääle elama tulep.
Michel Veisveer om ette kutsutu, tema ütlep: Senna om kolm nädalit kui nee õle 
loeti, 17 kubo olli tare pääl, nee omma alale, kuhjast enamb ei ole voetu kui 2 
kubo, lauda pääl om parhilla 68 kubo, 5 kubu sai ära antus moisahe vija.
Et Michel Veisveer nekrutis ära om antu, selleperast om moisavalitsus oma 
kaibuse saisma jätnu.