Protokoll Johan Listaku nõudest Ado Ritzari vastu ärasöödetu kaerarõugu 
asjas.

27.01.1871:3

Koon oliva Kohtomehe V. Kehrberg, J. Pollak, M. Torrop

Kaibam: Johann Listak om ette tulnu nink kaibanu, et tema kaara rõuk 1869 aastal 
sügise ära om söötetu nink et tema Ado Ritzi hobese üts kõrd om kätte saanu.
Aado Ritzar om ette kutsutu tema ütlep: "Mino hobese omma küll ütskord vallale 
pääsnu nink senna rõugo pääle lännu, ent paljo aiga nemma sääl ei ole olnu."
Hans Saks om seda söötmist üle kaenu nink arvap seda söötmist 5 mõõto kaaro.
Moistm: Et õigede teeda ei ole, kes selle söötmise man veel süüdlase omma nink 
et Johann Listak seda kaibust nii kauges om jätnu, siis om kohus moistnu: Ado 
Ritzar peap 3 mõõto kaaro masma.