Vallavalitsuse protokoll nekrutivõtmise asjas.

27.01.187:2

Valla nõumehe omma koon olnu nink nekrudi massude üle nõvvo pidanu: 
Nõumehe omma arvanu, et ega nekrutile söögi nink tee rahas saap 3 rubla 
hõbedat. Nekruti omma ette kutsutu, nema ütleva: Kolme rublaga meije rahul ei 
voi olla, meije novvame 4 rubla.
Nõumehe omma lubanu 3 rubla 50 kop, nekrudid omma sellega rahule olnu, ent 
see mees, kes ära saap antus saap 6 rubla 50 kop.
Nekruti omma lubanu, et nema egaüts kinkva selle mehele, kes vasta voetas 
egaüts 1 rubla. Nõumehe omma lubanu rõiva raha nekrutile 19 rubla hõbedat; 
nekruti omma sellega rahul olnu.
I Classin
Nr 1 Jacob Hütt om ette kutsutu nink nõvvetu, kas temal mingisugust ütlemist on? 
Tema ütlep kiigega selge olevat.
Nr 2 Johann Vall om ette kutsutu, tema ütlep ka kiigega rahul olevat.

II Classist
Nr 1 Michel Veisveer ütlep kiigega selge olevat.
Nr 2 Hans Herm ütlep ka et temal midagi tegemist ei ole,
Nr 3 Johann Listak ütlep et temal Peeter Kannu käest 28 rubla raha ja 4 mõõto 
rükki, Peeter Listako käest 10 rubla. Peeter Kanna käest veel 1 lehm, 1 siga, 1 
lammas ja üts vastne särk.
Peeter Listak ja Peeter Kanna omma ette kutsutu nema ütleva, et nema seda võlga 
omma nink lubava seda ilosast massa.
Nekruti nink noumehe ja vallavalitsus omma seda protokoli oma käega siin all 
kinnitanu.

Noumehe Adam Sõrmus, Jaan Zolgo, Jüri Saks, Peeter Listak.
Vallavanemb A. Ritzar
Voormonder Hans Paks