Protokoll mõisavalitsuse nõudest Joosep Vinne vastu heinte müümise ja 
maksmata mõisavõla asjus.

14.01.1871:1

Koon oliva kohtomehe Johann Mõtz, Michel Torrop, Jüri Pollak.

Kaibam. Moisavalitsus om ette tulnu nink kaibanu, et Joosep Vinne om sel 21. 
detsembril 1870 haino müünu, mes kontrahtin nimelt om ära keeletu nink et 
Peeter Kinsigo ja Jaan Raag selle asja man voiva tunnistust anda.
Tunistaja Jaan Raag ja Peeter Kinsigo omma ete kutsutu, Jaan Raag ütlep: "Mina 
tema müümist es näe, muud kui seda mina enegi näije, et tema sest kuhjast, mes 
arvata 2 koormaline olli, enamb kodo es too, kui üts koorma pera, mes riibe 
ennege oliva." Peeter Kinsigo ütlep ka sedasamma viisi.
Joosep Venne om ette kutsutu, tema ütlep: Mina ei ole koheki omme haino 
müünu, säält kuhjast saije 2 koormat haino, nink esi tõije mina neid kiiki kodo.
Moistm: Neide tunistuste perra om avalik, et Joosep Vinne neid haino kodo ei ole 
toonu, siis om tõte, et taa neid ära om müünu, selleperast om kohus moistnu, et 
tema 2 rubla hõb trahvi masma. Seda trahvi lubab moisavalitsus selle kogokonna 
koolimaja maa ostmise tarvis.
Pääle selle kaibap moisavalitsus, et seesama Joosep Vinne ei massa moisa võlga 
sugugi. Kohos om täämbatsel päival temale käsk andnu, et 2 nädali perast peap 10 
rubla seda võlga olema ära masta nink kevajani peap kiik se võlg olema ära 
tasotu.
Joosep Vinne om ette kutsatu nink temale see kohto moistmise otsus ette loetu ja 
ütelise ka suuremba kohto käümise üle seletus antu.