Protokoll mõisavalitsuse nõudest mõisamaapidajate Johan Poio ja Peeter 
Saarva vastu lepingurikkumise asjas.

25.11.1870:70

Kaibam. Moisavalitsus ette tulnu nink kaibanu, et moisa maa pidaja Johann Poio 
ja Peeter ei ole kohtrahti perra selle maa pääl elajid pidanu nink et neil mõlembil 
elajid puudus om.
Selleperast nõvvap moisavalitsus, et kui Johann Poio mitte ei ole hendale seda 
elajat soitanu siis peap tema tuleval suvel 4 kotti luu tuhka röo maa tarvis ostma.
Nisama saab ka Peeter Saarva sedasama viisi nõvvetus: kui tema hendale 1 ellaij 
mes kontrahti perra pandup, mano ei muretse, siis peap tema kevaja 2 kotti luu 
tuhka muretsema.
Pääle selle ei luba moisavalitsus neil mitte lino enamb tetta kui Johann Poiol 2 
vakamaad ja Peeter 3 vakamaad nink kui nema üle selle tegeva siis peava 20 rubla 
trahvi masma.
Pääle selle saap moisavalitsuse nink kogokonna kohto poolest Peeter Saarva teeda 
antus, et kui tema sest kogokonnast kos revisionin tema saisap seda luba kirja sija 
ette toop, et teda saal saap henge kirjan peetus, siis voip tema siin kogokonnan 
elada, kui mitte seda luba ei saa, siis peap tema tuleval kevajal siist välja minema, 
sest et tema sant om nink mitte selleperast sija ei voi saada üles voetus.
Johann Poio om ette kutsutu, tema ütlep mina sel viisil seda kotust pidada ei voi 
nink anna siin üles, et ma seda kotust käest ära annan.
Kohtom V. Kehrberg