Protokoll lesk Liisa Prükki varanduse jagamisest pärijate vahel.

14.10.1870:68

Koon oliva vallavanemb nink kohtomehe.

Kadonu Magnuse lesk naine Liisa Prükk om ette tulnu nink pallelnu tema seletust 
üle kullelda ja kirja panna. Kogokonna vanemb nink kohtomehe omma tema 
palvet kuulden seda soovimist täütnu, nii kui siin all (tema oma sõnnu perra) 
saisap: "Minu kadunust mehest perra jäänu varandus olli 1 bankbiljed 500 rubla 
väärt, 5 protzentiline. See olli Joosu moisa perisherra von Molleri käen lainusen." 
Nink von Molleri herra massap selle raha nüüd välja, mitte 500 enge 450 rubla, 
sest et see paber omma täüt hinda ei massa.
Et mino tütrel Maijel ainult raha abi tarvis om, siis laina mina seda raha 450 rubla 
nüüd oma tütrele Maij Purask (sünd Prükk) ent mitte muido, kui tema mehe 
Peeter Puraski vastutamise pääle, nink nimelt selle lepingoga:
1.	Peeter Purask peap ega ajastaja selle raha eest emale 24 rubla iintressi 
masma, nii kavva, kui ema elas.
2.	Peap Peeter Purask perast ema surma seda raha seda viisi välja masma, kui 
siin saap nimitedus:
a.	Tütrele Leenale 180 rubla
b.	Pojale Aadole ja Johannile kokko 90 rubla
c.	Nink Maijele jääp siis 180 rubla
Ent kui emal peas omas kulus enamb tarvis olema, kui see ajastaja iintres välja 
teep, siis peap Peeter Purask ikes seda raha andma, nink see saap sest kapitalist, 
egaüte jao mant selle jao suuruse perra maha arvatus."
Et see raha nimelt Peeter Puraskile Melsare maja ostmise tarvis saap lainatus, siis 
ei luba ka ema tõisile peranduse saajile enne välja (välja masmise) nõudmise 
õigust, kui tema jo koolnu om nink Peeter Puraskil moisa võlga joba ära om 
masnu. Ent iintres saap ikes edesi mastus, koni võlg egaütele ära saap mastus.
Seda seletuse kirja tunistava tõtes nink kinnitava oma käega:
Liisa Prükk, Peeter Purask.
Pää Kohtomees V. Kehrberg
Vöörmünder H. Saks
Moisa peris herra
J. Kehrberg kirjotaja