Protokoll sulane Jaan Udrase nõudest peremees Vilhelm Kehrbergi vastu 
teenistusest äraajamise asjas.

09.09.1870:60

Koon oliva Kohtomehe Michel Torop, Hans Saks, Adam Tisler.

Ette om kutsutu selle keiserliko käso pääle kirjan sel 3. septembril s.a nr 2564 
Jaan Udras nink tema peremees Vilhelm Kehrberg.
Jaan Udras kaibap: et peremees om teda ära ajanu nink ei anna häste süvva.
Vilhelm Kehrberg om ette kutsutu, tema ütlep: "Mina teda ei ole ära ajanu, 
selleperast et ta õiget tööd ei viitsi teta ole küll mõni kõrd tõrelnu. Niida olli ka 
nüüd, tema katskõrd üte söögivahe sisen istse ja mino kolm hobest aglide een 
saisiva, mina lätsi mano ja ütli temale; kui sina sugugi parembast mino tööd ei 
taha tetta siis mina sino seda viisi ka pitta ei voi. Selle pääle es läha tema pääle 
lõuna söögi enamb mino töhe, läts ära ja kõndse jälle kolm päiva ümbre, päälegi 
teotab egan paigan mino sööki."
Kohus om Jaan Udrase ette kutsnu ja nõudnu kuis viisi söök halv om, tema ütlep: 
Ütskõrd lõuna aigo olli hapu leib  ja supp seda mina ei ole harinu sööma, muido 
mina küll sööki halvas ei moista ütelda, ja ütskõrd es saa mina ka enne kell 11 
süvva.
Moistm: Et Jaan Üdras õigede teenida ei taha, ümbre hulgup nink päälegi ilma 
asjanda kaibusi kohto ette kannap peremehe teotuses, selleperast saap tema 20 
vitsa lööki nink peap ilosast peremees teenima.
Jaan Udras ja Vilhelm Kehrberg omma ette kutsutu nink see moistmine ette loetu 
nink ütelise ka suuremba kohto käümise üle seletus antu, kui kumbge peas tahtma 
edesi kaivata.