Protokoll Nicolai von Rothi kahjutasunõudest Jaan Seme vastu taluostmisest 
taganemise asjas.

27.03.1870:46

Nicolai v. Rothi  herra om ette tulnu nink kaibanu.
Hofgerichrichti kohto  moistmise läbi 15. septembrist 1869 om minol kaebus 
Jaan Seme vast lubat, kiige too kahjo üle mes minole selle üle om saanu, et Jaan 
Seme om oma maja ostmise kaubast taganu:
1.	Et Jaan Seme ostse pool Purru maija Hurmi vallast 21 taalrit 31 krossi 
suur, taalri hind olli 125 rubla hõb. – s.o 2625 rubla.
2.	Et mina seda maja pidi pooles lasma teta ja selle tarvis charti tetta see tulli 
minol 20 rubla masma.
3.	Pääle selle kui see maja saije ära müüdus, tahtse vana peremees seda 
sellesama vastse ostja lepingo perra osta, ent ehk küll mina ka Jaan Semet 
palsi seda maija tagasi jätta, ent siski tema es jäta. Perast kui see jo mööda 
olli, sis tõmmas tema hinda tagasi, nink jätse oma ostmise kauba tühjas. 
Nüüd pidi mina selleperast selle maja odavambas müüma, et tema hind üle 
kiige enamb es voi saada kui 4300 rubla, see teep poole pääle 2150 rubla, 
ütsinda selleperast, et nüüdne ostja neid vanno perremehi veel paigan 
elada lasep. Seda viisi om sis Jaan Seme läbi selle maja müümise man 
mino kahjo 475 rubla hõbedat, mes minna nüüd Hofgerichti kohto luba 
andmise perra Jaan Seme käest nõvva.
Jaan Seme om Rothil herrat pallelnu, nink herra om oma kaibust sel viisil tagasi 
võtnu, et Jaan Seme massap herrale selles kahjo tasomises 40 rubla herrale, nink 
saap sis sest 200 rublast mes Hofgerichto kohton om moistetu 130 rubla Rothi 
herra käest välja.
Seda leppingot tunnistava tõtes.
Kaibaja N. v. Roth
Kaivatav
Pää kohtomees V. Kehrberg
Kohtomees M. Torrop, A. Tisler