Protokoll Mihkel Sarri lepingust poja Jaan Sarriga varanduse pärimise 
kohta.

27.03.1870:45

Michel Sarri om vallavalitsuse ette tulnu nink pallelnu, et tema tahap omale pojale 
omast varandusest jago anda, sest et tema poig Jaan Sarri Joosu kogokonnast 
Küüsla maja om rentnu, nink selle tarvis peap temal siis säädusse peraline 
raudvara olema. Esa annap temale siis kiigest varandusest, niida kui siin all 
saisap:
1.	1 hobene
2.	4 lehma
3.	4 lammast
4.	2 ziga
5.	12 vakka kaaro
6.	5 vakka kesvi
7.	2 vakka lina seemend
8.	1 sõido vankri
9.	1 vedamis vankri
10.	1 raud regi
11.	pada nink muido egaütest vähembast kraamist, mes maja elon tarvis om.
Ent Jaan Sarri peap perast ka omme vanembid õigel ja ausal viisil pidama, niida 
kui egaüte õige latse võlg ja kohus omme vannembid pidada om, nink niisamate 
maja pidada niida kui kontraht käsep ja egaüte hooleliko peremehe võlg ja kohus 
maja pidada om.
Ent vallavalitsuse poolest saap ka kinnitedus, et Jaan Zarri peap ka egan asjan 
henda ausalikult ülespidame nii kui ütel ausal peremehel sünnes, nink nimelt saap 
siin kinitedus. Kui midagi peasse ette tulema, mes vasta üte peremehe ausat 
saisust käup, sis kaotap tema oma perremehe õigust.
Varrandusse andja Michel Sarri
Saaja Jaan Sarri
Vallavanemb A. Ritzar
Pää kohtomees
J. Kehrberg kirjotaja