Protokoll Väimela valla mehe Hendriku nõudest Jaan Zolgo vastu lubatud 
kartuliseemne müümata jätmise asjas.

12.06.1868
 
Kaibam. Väimela  valla mees Hendrik [tühi koht] om kaibanu, et Joosu valla 
mees Jaan Zolgo om temale kartohvli seemend lubanu müvva ja teda oma maija 
perra kutsnu, H. [tühi koht] om perra lännu, tema ei ole enamb andnu ja ütelnu 
minol om jo ära müüdu nink paljo oma ära mädanu.
Hendrik om ütelnu, kui sinol siiski mädanu ommava, sis anna sina ikkes nii 
kavva, kui mina vasta võta.
Jaan om ütelnu: mina ei anna sugugi.
Jaan Zolgo om ette kutsutu, tema ütlep: Meil es saa õiget kaupa, Hendrik 90 kop 
pakse, minna rubla tahtse, selleperast es tija mina temale hoita. Hendrik ütlep: 
Minol om selle üle tunnistaja, kes kuuldse, et mina temale lubasi hinna massa, 
tima ütel: Kunas sina perra tulet? Tule täämba. Mina ütli täämba mina ei läha, 
mina läha hommen. Niida lätsi mina tõõsel päival perra, ent sina es anna.
Nema ommava esi henda vahel niidade ära lepnu; et Jaan Zolgo massap Hendrik 
2 rubla ja Joosu valla vaeste laadiko 1 rubla hõbedat.
Pääkohtomees W. Kehrberg
Kohtomees M. Torrop, J. Pollak.
J. Kehrberg kirjotaja.