Protokoll kõrtsmik Mihkel Rattasepa nõudest Jaan Posti vastu võla tasumise asjas

13.08.1884

Päkohtumees: Jaan Link
Kohtumees: Johan Klaosen
	Peter Ivan

Kaibas Haslva Kõrtsimees Mihkel Rattasep, et temmal 27 rbl Jaan Posti käest sada om ja pallus et 
kohus seda massma sunis.
Jaan Post vastutas, et temma seda raha Mihkel Rattasep võlgu ei olle ja nõudis 4 1/2 Vakka
Rükki kaibaja käest, mes tema 3 asta est kaibajale Magatsist omma pulka päle andno om ja ka neide
rükki 3 asta odas.
Mihkel Rattasep vastutas et tema rükki võttnu ei olle ja selle raha perrast teab Otsa Jürri
Luha ja Jaan Savik tunistada.
Otsa Jürri Luha tunistas et tema üts kõrd kuldnu, kui Jaan Post üttelnu, et mina massan se
20 rbl ärra kui mina Jürri Luha käest saan
Jaan Savik tunistas, et tema kuldnu kui Mihkel Rattasep 25 rbl Jaan Posti käest nõudnu sis om
Jaan Post üttelnu, kül minna massa sinnu omma ka ärra.
Roija Jürri Klaos tunistas et 2 nädali est om seija kohta eentuse Jaan Post ja Mihkel Rattasep omma
võlgu selletanu, seda raha ollnu 24 ehk 25 rbl sis om Jaan Post üttelnu, et mes meije kohtu ette
läheme kül mina massa se raha ärra
Endrik Teder tunistas, et tema ollnu jures kui Jaan Post selle Mihkel Rattasepa vasta üttelnu: 
"anna minule veel 5 rbl  päle minul om Vallavanemba käest 30 rbl sada sis saad sinna omma raha
ütte kõrraga Vallavanemba käest kätte.
Jaan Post andis ülles, et temmal tunistust ei olle, et tema  4 1/2 Vakka Rükki Mihkel Rattasepale
andnu.
Moistetu: et Jaan Post 27 rbl võlg raha 8 päiva sehen Mihkel rattasepale ärra massma peab
selle et tema se raha tunistuste perra võlgu om, Jaan Posti rükki nõudmine om tühjas moistu, 
selle et tunnistust ei olle. Se moistus sai kulutedu ja opetus leht välja antu