Protokoll Peter Labani nõudest Jaan Virro vastu vilja ja teopäevade eest maksmata raha asjas

21.05.1884

Päkohtumees: Jaan Link
Kohtumees:   Johan Grossberg
Kohtumees:   Johan klaosen

Kaibas Peter Laban et temmal Jaan Virro käest 2 Vakki Rükki 4 Vakka kesvi sada om nisama om temma 10 jalla ja 2 
hobuse päiva Jaan Virrole tennu ja nõudis 35 kop jalgsi päiva ja 1 rbl hobuse päiva est ja pallus et kohus seda
masma sunis.
Jaan Virro vastutas, et 2 Vakka Rüki ja 4 vaka kesvi massmada om, ent seda tema selle perrast ei massa et Peter
Laban teda varrastanu om, kelle perrast kohus praegu Keiserliko Tarto Sillakohtu om, 5 jalla päiva om Peter
Laban enne Jürripäiva 1883 tennu ja om selle est 2 Vakka Kartoflid sanu ja 2 kõrd om Peter Laban palke hobusega 
tennu ent selle est om tema ka kortin temma majan sanu, päle selle nõudis Jaan Virro 8 rbl kassukist.
Peter Laban vastutas selle päle et temma 2 Vakka Kartoflid sanu om ja kassuka est om tema essi perremehe assemel
Päraha massnu ja 1 Vak Rükki om ka selle est perremehele jänu 
Jaan Virro vastutas et päraha om Peter Laban essi massma pidanu ja Rükki ei olle kassuki est sisse jänu.
Moistus: et kui Peter Laban 8 rbl kassuka est Jaan Virrole ja 1 rbl 50 kop mes enne moistedu veste heas ärra massnu 
om peab Jaan Virro 2 Vakka Rükki ja 4 Vaka Kesvi Peter Labanile ärra massma, muidu vastutside nõudmisse 
om tühjas moistu. Se moistus sai kulutedu ja opetus leht välja antu.