Protokoll Jürri Klaose nõudest Peter Leminge vastu maksmata rendiraha ja rendilepingu rikkumise asjas

07.05.1884

Man ollid: Päkohtumees: Jaan Link
	   Kohtumees: Johan Grossberg
		      Peter Ivan

Kaibas Raija Jürri Klaos, et temmal rentnik Peter Leminge käest 10 rbl rentiraha, mes 1 Märtsil
massetu pidi sama, sada om ja mineva kevade om Leming 15 Vakkamaad Kartofli maad sanu, mes
künetu ollnu ja nüüd om engi 5 Vakamaad künnete ja nõudis 1 rbl vakamaa est, mes kündmada
ja 1 vakkamaa kaera om temma maha tennu seda om Leming ärra võtnu, mes est Klaos 2 vakka kaero
ja 3 rbl tegemisse est nõudis, kontrahti perra peab 5 Vakkamaad ristikheina külvetu ollema,
ent 3 Vakkamaad om enegi külvetu ja se om ka väega puduline, kedas Päkohtumees Jaan Link
ülle kaenu om, ja 5 Vakkamad rükki om nenda halvaste tehtu et seda ülles kündu peab kedas
Jaan Link ka ülle kaenu om. Klaos nõudis ristikheina kahju 10 kormat ristikheino ja rükki
kahju 6 semend se om 30 Vakka rükki
Päle selle om järrelseisva puduse maja jures ollnu:
1 kambre akna krut pudub masen                       25 kop
vanna kambre aken pudub masa                   1 rbl
Lao puu pudus massab		               5 rbl
sauna lava ja 3 akna krutu saunan puduva masab 2 rbl 75 kop
rehe tarre 2 akna kruti puduva ja vija on massa      75 kop
Jürri Klaos pallus neid pudusi Peter Lemingule massa panda.
Peter Leming vastutas et 10 rbl renti est om J. Klaos ristikheina semnit osta käsknu, tema om 
45 naela semend Kurrikasi käest ostnu ja massnu 11 rbl 50 kop selle est et temal maa kündmisse
perrast midagi kaebatta ei olle, Kaero maad külvetu om tema sanu. tema om kahju sanu,Ristikheina
ei olle temal ollnu ja temma om se 45 naela ristikheina semend maha külvanu ja ni paljo kui
sanu. Rükki om sügise 1883 ärra aetu, temma om tõine kõrd sis küllinu, mes sis mitte tema 
süi ei voi olla 
Kevade 1883 ei olle temmale keaki seda maja katte andno ja ei tea neist pudustest midagi, ni
kui temma maja vasta võtnu om, om temma ka ärra andno Kontrahti ei olle tema sanu üts väikene 
täheken om sanu,
Jürri Klaos andis Krimani Kohtumees Johan Kärik tunistajas ülles, kes selle maja andmisse man
Lemingo katte om ollnu.
Otsus: et Johan Kärik Krimanist ette kutsutu om.