Protokoll Peter Kiteri nõudest Aleksander ja Johan Vuksi vastu peksmise ja noaga vigastamise asjas

16.04.1884

Päkohtumees: Jaan Link
Kohtumees:   Peter Ivan
	     Peter Luhha

Kaibas Peter Kiter, et Aleksandr Vuks ja selle essa Johan teda väega pessnu ja väitsega keik ärra lõhkunu om, 
ni et temma 3 nädalat selleperrast Latsaretin om ollen Peter Kiter nõudis Elloaija leib, selle et tema santis 
tettu om. Havade ülle näidas tohtre tähe ette ja 9 rbl 5 kop tulli latsareti massa. 
Aleksandr Vuks, kes Tarto Linan Fortuna ulitsa Nr 39 ellab vastutas et tema Peter Kieterit väitsega lõhkunu ei 
olle, Peter Kieter om tema essa tuppa kaklema tullnu ja om temale väitsega põlve sisse lönu ja om tahtnu ka 
keha sisse lüija sis om tema kõrra käega vastu kaitsnu. 
Johan Vuks vastutas et tema Peter Kieterit väitsega lönu ei olle, Peter Kieter om tema tuppa tullnu ja om seal 
tema tarre akna ja usse katski lönu ja om teda abenit pidi maha vissanu ja sis jälguga sõkkunu.
Peter Tull tunistas et Peter Kieter, Johan ja Aleksandr ja Johan Vuksi tarre jures pidanuva nimma enne nallu ni 
kaua kun tülli länuva. lömist ei olle tema nännu 
Mihkel Kroman tunistas nisamma kui Peter Tull 
Päkohtumees andis ülles, et ülle kaemisse aigu om Aleksander Vuks temma vasta üttelnu, et temma Peter Kieterit 
väitsega lõhkunu om ja nüüd salgab Aleksander Vuks seda ärra.
Ado Einman tunistas, et tema seda kakelust nännu ei olle, enne tullen Peter Kieter ösel tema tuppa raud kepp 
käen pildunu laua ja krusi ümbre sis lännu ärra ja kui veidi aija perrast tagasi tullnu ollun temma pää verrine.
Moistetu: et Aleksander Vuks se latsareti rahha 9 rbl 5 kop Peter Kieterile tagasi massma peab ja om 30 vitsa 
lögiga trahvitu, selle et temma raskest Peter kieteri väitsega lõhkunu om, ni kui tohtre täht seda tunistab 
ja keda Aleksander Vuks essi Päkohtumehele tunisten om. Se moistus sai kulutedu ja opetus leht välja antu.