Protokoll Haaslava mõisavalitsuse nõudest Lillo Meijersi vastu mõisa metsast varastatud puude asjas

Päkohtumees Jaan Link
Kohtumees Johan Klaosen
	  Peter Ivan

16.01.1884

Haaslava moisavalitsuse nimmel kaibas Herr Holz et Zirme Perremees Lillo Meijer om moisa mõtsast varrastanu:

1 kõiv   9     tolli jäme    6 sülda pik,    nõudis selle est 125 kop
1       12 1/2               6                                252 kop
1	14		     6				      340 kop
1	 6		    				       38 kop
 						Summa 	      755 kop

ja nõudis topelt trahv se om 15 rbl 10 kop.
Tunistajas andis ülles Mõtsavaht Margus Ida ja Rein Paatz.
Mõtsavaht Margus Ida tunistas et nemma mõtsast jälgi möda seni kui Zirme tallule länno, kohes jälle vimma ja 
Peremees Lillo Meijer ei olle otsida lasknu vaid om malka maast võttnu ja ähvartanu neid keiki pessa, se om 
tõine motsavaht ja kohtumees Johan Grossberg om ütten ollnu ja nemma om selle päle ilma et otsitu olles sanu 
sält ärra tulla pidanu. 
Mõtsavaht Rein Paatz tunistas nisamma kui Margus Ida.
Kohtumees Johan Grossberg tunistas nisamma et need jället just Zirma tallu eesaija päle lännu om, ent Peremees
ei olle otsida lasknu ja ähvartanu, tema pallub et kohus seda Lillo Maijerit vasta panemise est trahvis.
Lillo Maijer vastutas selle kaibuse päle et temma neid puid mõisa mõtsast varrastanu es olle, ja kui need mõtsa-
vahit ja kohtumees Johan Grossbrg temma tallu tullnu, ei olle need samat teda välja kutsunu ja kui tema välja 
tullnu sis segenuva need inimised tema hao peran ja kui temma manu länu ja küsinu mes nemma otsiva, nemma 
üttelnuva "mes sinna kõnelet ega sinna perremees ei olle" selle päle om temma üttelnu: teil ei olles muud kui 
tukki vaja" ja tema ei olle keldnu neid otsida: kui need puud moisa mõtsast varrastedi ei olle tema mehe 
koskil käinu. 

Moistetu: et Lillo Meijer neide varrastedu puude est 15 rbl 10 kop moisavalitsuse heas 8 päeva sehen ärra massma 
peab, selle et tunistuste perra jället sinna tallu lännu om ja Lillo Meijer otsida lasknu ei olle ja selle et 
Lillo Meijer kohtu mehele vasta pandnu om peab temma 3 rbl trahvi vaeste ladiko heas selle est massma. Se moistus 
sai Lillo Meijersile kulutedu ja opetus leht välja antu. Sel 23 Januaril sai Mõisavalitsusele kulutedu.