Protokoll Johan Soo nõudest Johan Udeli vastu maksmata võla asjas

16.01.1884

Päkohtumees: Jaan Link
Kohtumees: Peter Ivan 
	   Johan Grosberg

Kaibas Johan Soo, et temmal 11 rbl Johan Udeli käest sada om ja pallus et kohus seda massma
sunis.
Johan Udel vastutas selle päle et temal se raha kül massa om, ent Kohus om 3 asta est temale
Johan Soo käest kahju tassumises 3 vakka rükki moistnu ja Johan Soo ei olle seda veel ärra 
massnu selleperrast kui Johan Soo se 3 vakka Rükki ärra massab, tahab tema ka se raha massa.
Johan Soo vastutus et tema seda kohtu moistus suguki kuldnu ei olle.
Sekõrdne Päkohtumees Mihkel Klaos andis ülles et temma selle rükki kahju ülle kaenu om ja
kahju ollnu tettu kül, ent tema ei mälleta kas se assi moistetu om ehk mitte.
Praegune Kohtumees Johan Grosberg tunistas et tema sel kõrral kui se moistus ollnu, kül 
kohtumaja jures ollnu, sis om kül 3 vakka Rükki Johan Soole massa moistetu.
Moistetu: et kui Johan Soo se 3 vakka Rükki Johan Udelile ärra massnu om peab Johan Udel se 
11 rbl varsti Johan Soole ärra massma, selle et se 3 Vakka Rüki Johan Soole massa moistetu 
om arvata ka, ent Protokolli Ramatun seda leida ei olle. Se moistus sai kulutedu ja opetus 
leht välja antu.