Protokoll Jaan Särre kaebusest Johan Madissoni vastu maksmata palga asjas

19.12.1883

Päkohtumees: Jaan Link
Kohtumees: Johan Klaosen
	   Johan Grossberg

Kaibas Jaan Särre, et temal Perremehe Johan Madison käest 34 rbl palka sada om ja pallus et kohus seda massma 
sunis selle et Perremees essi ei massa. 
Johan Madison vastutas et tema 28 rbl 66 kop ärra masnu om ja 47 rbl ollu kaubeltu palk, selle et Jaan Särre
keik aiga aiga ärra teninu ei olle ei olle tema palka masnu. Suvel rüki põimo aigu om 9 päiva pudus jänu päle
tolle 7 päiva ja ütte tsirpi om Jaan Särre ärra kaotanu, mes 60 kop massnu. Neide päivi est om tema sell kõrral
50 kop päeva est massnu. Jaan Särre om Sedulka rihm ärra kaotanu mes 60 kop massab. Kaub ollnu seni kui 
Kadernapäivani ent Jaan Särre länu Märtipäival ärra ja 2 Vakkaden Kartoflid sanu Jaan Särre, kedas tagasi nõuab,
temma om kauba leht Jaan Särrele andnu, kost keik nätta om.
Jaan Särre andis selle vasta ülles, et tema enegi 13 rbl palka välja otanu om 47 rbl 50 kop ollnu kaubeltu. Rükki
põimo aigu ollnu tema 8 päiva haige, 7 päiva pudus ei olle ollnu, tsirpi ja sadulka rihma ei olle temma ärra
kaotanu kaub ollnu Märtipäivani, kauba lehte ei olle sanu. Jaan Särre andis Jaan Otsa Haslavast tunistaja ülles,
kes kaubategemise jures om ollnu.
Otsus: et ülles antu tunistaja Jaan Ots 2 Januari 1884 ette kutsu om, ent Johan Madison peab 5 rbl palkast 
varsti Jaan Särrele võlgu massma, tõise raha ülle saab kohus moistos tegema kui tunistaja ärra käinu om. 
2 Januaril 1884 massis Johan Madison 5 rbl Jaan Särrele välja