Protokoll Liisu Verno nõudest Jaan Särgi vastu äravõetud kasuka asjas.

07.11.1883

Päkohtumees: Jaan Link
Kohtumees: Johan Klaosen
Kohtumees: Peter Ivan
Kohtumees: Johan Grossberg

Kaibus Liisu Verno Jaan Saviko man ollen, et üttel ööl tullen neide tallo Sullane Jaan Särg kodu kutsunu teda
välja ja üttelen, et tsiga om väljan ja vällan ollnu tõised mehed, kes Jaan Särg ütten kõrtsist tullnuva, ja 
Jaan Särg tahtnu teda küini vija ent tema om ärra sanu pageda, selle jures om üts tunda mada mees tema säljast 
Perremehe kassuka ärra, ja kassuk jään ärra, tema pallub et kohus Jaan Särge sunis seda kassukat massma, ni 
paljo kui Perremees selle est nõuab, tunistaja andis ülles Karl Lättigi Perremees Johan Madison Johani 
Perremees Johan Madison tunistas, et tema kuldnu kui Jaan Sääg tüdruk Liis Vernu vastu üttelnu: Liis tulle 
välja tsiad karjuva, selle päle lännu tüdruk välja ja perrast osel lännu tüdruk välja ja üttelnu et kassuk 
võeti ärra Johan Madison nõudis 10 rbl selle kassuka est. 
Jaan Särg vastutas selle kaibuse päle, et tema Liis Vernot välja kutsunu ei olle ja keigest sest kaibusest 
midagi ei tea. 
Otsus: et Karl Lätti toises kohtupäivas seija kohtu ette kutsutu om.